Deseño e medida de circuítos integrados fotónicos

Descrición

Nesta materia os participantes aprenderán a deseñar e probar circuítos integrados fotónicos que conteñan dispositivos pasivos; que conteñan componentes activos, como láseres, moduladores, amplificadores ópticos, fotodiodos de alta velocidade, entre outros; e que conteñan componentes electrónicos pasivos de alta velocidade.

Dentro do mercado global de semiconductores, a demanda de dispositivos fotónicos está medrando anualmente a ritmos próximos ao 20%, con Europa apostando polo aumento da súa capacidade produtiva coa posta en marcha de novas plantas de fabricación (foundries). Os chips fotónicos son esenciais para as necesidades do desenvolvemento tecnolóxico na automoción, comunicacións, computación cuántica, defensa, dispositivos médicos e electrónica de consumo. Esta formación é unha excelente oportunidade para gañar competencias nestas tecnoloxías e adquirir unha preparación moi demandada no mercado laboral nacional e europeo.

Este é un programa formativo, ao abeiro da Cátedra NextChip da Universidade de Vigo, que está financiada polo Ministerio de Asuntos Económicos e Transformación Dixital a través da Secretaría de Estado de Telecomunicacións e Infraestruturas Dixitais, con fondos do Mecanismo Europeo de Recuperación e Resiliencia, desenvolve ferramentas de testeo e caracterización de chips fotónicos e electrónicos de nova xeración.

A disponibilidade de prazas estará condicionada ás inscricións no título de experto en Desenvolvemento de dispositivos de fotónica integrada. 

Modalidade

Horario

As clases terán lugar de luns a venres en horario de 15:30 a 19:30 horas. 

Prezos

Observacións aos prezos
100% financiada polo Ministerio de Asuntos Económicos e Transformación Dixital a través da Secretaría de Estado de Telecomunicacións e Infraestruturas Dixitais, con fondos do Mecanismo Europeo de Recuperación e Resiliencia

Obxectivos

Ao finalizar esta materia os participantes poderán deseñar e probar circuítos integrados fotónicos

Idioma

• Castelán 60%
• Inglés 40%

Competencias Específicas

• Introdución teórica ao deseño de dispositivos fotónicos pasivos
• Introdución práctica ao deseño de dispositivos fotónicos pasivos
• Introducción teórico-práctica sobre o uso do software de medición remota
• Introdución práctica aso deseño de dispositivos fotónicos activos
• Introdución teórico-práctica ao deseño de dispositivos fotónicos de RF
• Introducción teórico-práctica sobre o uso do software de medición remota

Competencias Transversais

• Deseño de chips fotónicos pasivos utilizando software Lumerical
• Programación das medicións sobre o chip fabricado
• Deseño de chips fotónicos de RF utilizando software Lumerical
• Programación das medicións sobre o chip fabricado

Condicións de acceso

• Ter superados un mínimo de 120 ECTS nunha titulación universitaria oficial dentro do EEES ou equivalente.
• Estar en posesión dun título universitario dentro do EEES, que outorgue acceso a ensinos oficiais de posgraduado.
• Estar en posesión dun título estranxeiro, alleo ao EEES, homologado a un título universitario oficial do EEES.
• Ser profesional con acreditación de experiencia laboral, sempre que estea relacionada coas competencias inherentes ao título e cumpran os requisitos de acceso á universidade segundo a normativa vixente.

Criterios de selección

A Dirección do título poderá realizar entrevistas persoais de consideralo oportuno para unha mellor comprensión dos méritos alegados, e poderá establecer novos criterios compatibles cos anteriores para concretar a aplicación dos principios e criterios enunciados. Nese caso, a puntuación será: Currículo 60%, Carta de motivación: 20%, Entrevista persoal: 20%.

Metodoloxía

A materia contará con leccións maxistrais de expertos no ámbito e tamén con actividades prácticas guiadas, de laboratorio e simulacións. 

Materias

Profesorado

•  Francisco Manuel Da Luz Soares
•  David Álvarez Outerelo
•  Xin (Scott) Yin

Avaliación

• Asistencia actividades formativas 20%
• Probas e exercicios de avaliación continua 20%
• Informe de prácticas – pasivos 20%
• Informe de prácticas – activos 20%
• Informe de prácticas – RF 20%

Titulación

Diploma de Curso Avanzado de Posgrao en Deseño e medida de circuitos integrados fotónicos